Li Wanê Komîteya Amadekar a Newrozê hat avakirin. Komîteyê derbarê pîrozbahiyên îsal ên Newrozê de li avahiya Rêxistina HDP’ê ya Wanê civîna çapemeniyê li dar xist û daxuyanî hat dayîn.
Li gorî daxuyaniya hat dayîn, li Wanê îsal dê Newroz 21’ê Adarê roja şemiyê li qûntarên Keleha Wanê bê pîrozkirin.
Di daxuyaniyê de hat diyarkirin ku wan dest bi xebatên xwe yên pîrozbahiyê kirine û wiha hat gotin: “Em ê îsal jî mîna hemû salên derbasbûyî Newrozê bi coş, keyfxweşî û bêrîkirina şahiyê pîroz bikin. Em bi gelê xwe re bi şîara ‘Em ê agirê Newrozê geş bikin, tecrîdê bişikînin, faşîzmê têk bibin û demokrasiyê ava bikin’ Newroza xwe ya îsal pîroz bikin. Weke Komîteya Amadekar a Newroza Wanê em ê bi vê bawerî û biryardariyê, li qadan bin û em ê hemû gelê xwe vedixînin qada Newrozê.”
Her wiha di daxuyaniyê de hat gotin ku dê îro ji bo pîrozbahiyên Newrozê serî li Walîtiya Wanê bidin. WAN
