Malbata Ocalan û 3 girtiyên din ên li Îmraliyê ji bo hevdîtinê serî li Serdozgeriya Komarê ya Bursayê dan, serlêdan bi bayê bezê hat redkirin
Birayê Rêberê Gelê Kurd Abdullah Ocalan, Mehmet Ocalan û wasiyê wî Mazlûm Dînç ji bo ku biçine Îmraliyê bi rêya parêzeran serî li Serdozgeriya Komarê ya Bursayê dan. Malbata sê girtiyên din ên li Îmraliyê Hamilî Yildirim, Omer Hayrî Konar û Veysel Aktaş jî serlêdan kirin. Serlêdana malbatan wek her carê bi rengekî kêfî hate redkirin.
Dozgeriyê bi hinceta ”sînordarkirinên derbarê hikimxwariyan” ya ”Qanûna bi hejmar 5275’an a Cezayê û Derbarê Tevdîrên Înfazê” serlêdan red kir. Duh jî parêzerên Ocalan ji bo hevdîtinê serlêdan kiribûn lê Serdozgeriya Komarê ya Bursayê cara 802’yan serlêdan red kiribû. STENBOL
