Dostên kurdan di 10’ê cotmehê de li 74 navendên cîhanê pêngava cîhanî ” Ji Abdullah Ocalan re azad û ji pirsgirêka kurd re çareseriya siyasî” 10`ê mijdara 2023`yan li 74 navendan cîhanê hatiye ragihandin, li herêmên bakur û rojhilatê sûriyê jî çalakiyên cihereng têne lidarxistin. Kongra Star a Helebê jî cihê xwe di van çalakiyan de girt herê dawî jî di 26`ê gulanê çalakiya konvedanê ji bo 3’yê rojan hat darxist. Li cihê çalakiya bi amûr û cawên kevnar û berhemên jinan hatibû xemilandin û wêneyên Rêber Apo û wêneyên şehîdên tevgera rizgariya Kurdistanê daliqandin.
Çalakî li hola Talêt ya Heleb a li rojhilatê taxa Şêxmeqsûd a Helebê hate lidarxistin. Endamên saziyên sivîl, partî, meclis, komîn û hêzên leşkerî tev lê bûn.
Di çalakiyê de, atolye hatin lidarxistin, nirxandinên Rêber Abdullah Ocalan û girîngiya praktîkirina wan bi awayekî rast hatin nîqaşkirin ji bo ku azadiya fîzîkî ya Rêber Apo were bidestxistin.
Endamên koordînasyona Kongar Star a Helebê Fehîme Emo û Nergîz Bekir destpêkirina çalakiyê ragihandin û destnîşan kirin ku divê perspektîfên Rêber Apo werin praktîkirin ta ku azadiya fîzîkî ya Rêber Apo tê bidestxistin.
Di roja yekemîn a çalakiyê de, endamên Akademiya Şehîd Hêzil Rizgar a Kongar Star, endamên Ragihandina Giştî, Yekitiya Parêzeran, Malbatên Şehîdan, Navenda Lêkolînên Jineolojiyê, Kongra Star û Mala Jinan hazir bûn. Rastiya fermandariyê, pergala girtîgeha Îmraliyê, pergala jinan û malbatê, rêbazên birêxistinkirina jinan, dewlemedkirina bîra wê bi raman û zanabûnê, di wê rojê de hatin nirxandin.
Di roja duyemîn de şervanên Yekîneyên Parastina Gel (YPG û YPJ), endamên Hêzên Ewlekariya Hundirîn, Parastina Cewherî, Komîteya Kar û Barên Civakî û Xebitandinê, saziyên olî û Şaredariya Gel a Taxên Şêxmeqsûd û Eşrefiye û komîteyên wê û her sê meclisên her du taxan, amade bûn.
Girîngiya xweparastina civakî li hember timayên derve, pêwîstiya praktîkirina pergala hevseorkatiyê û dûrahiyên netewa demokratîk çi ne, hatin gotubêjkirin.
Di roja dawîn a çalakiyê de, endamên Partiya Sûriya Pêşerojê, Meclisa Jinan a Sûriyeyê, Meclisa Sûriya Demokraîtk (MSD), Partiya Yekitiya Demokratîk (PYD), Tevgera Civaka Demokratîk (TEV-DEM), Tevgera Ciwanên Şoreşger a Sûriyeyê, Yekitiya Jinên Ciwan, Komîteya Aboriya Giştî, Tevgera Hîlala Zêrîn a Çandina Jinan û Navenda Çand û Hunerê ya Cemîl Horo hazir bûn.
Mijarên wek, rêbazên avakirina Sûriyeya pirreng û nenavendî hatin nîqaşkirin û nirxandinên Rêber Apo yên der barê gel, komîteya perwerdeya civaka demokratîk, ciwan û çand û hunerê hatin xwendin. Beşdaran diyar kirin ku ew bi Rêber Apo û ramanên wî ve girêdayî ne. Her wiha gelek helbest li ser Rêber Apo hatin xwendin.
Komên Tevgera Hîlala Zêrîn a Çanda Jinan û Navenda Çand û Hunerê ya Cemîl Horo, bernameyên hunerî ku berxwedana Rêber Apo û asta girêdana wan bi ramanên wî nîşan didin, pêşandan. Kongra Star bi daxuyaniyekê bidawîbûna çalakiyê ragihand û bang li saziyan û rêxistinên têkildar kir ku rola xwe bilîzin ji bo azadiya fîzîkî ya Rêber Apo bê bidestxistin û doza kurd çareser bibe. Her wiha hate diyarkirin ku vîna gelan ên ku xwedî li ramanên rêberê xwe derdikevin, naşike.
