Endamê Desteya Rêveber a Navendî ya Partiya Çepên Kesk Ahmet Asena li ser pêvajoya jinûveavakirinê ji ANF’ê re axivî.
Asena, xebatên ku wê di rojên pêş de bikin û danezana derbarê pêvajoya jinûveavakirinê ya Partiya Çepên Kesk ragihand û got “
Partiya Çep a Kesk dane, anî ziman û got, “Wê li bajar û navçeyan civîn were kirin, piştre civînên gel were kirin û piştre jî bi komxebat û atolyeyan em ê pêvajoyê binirxînin û tiştên ku di dema nû de divê were kirin em ê pêşkêşî konferans û kongreya xwe bikin. Ev pêvajo wê bi biryarên me yên konferans û kongreyê bi dawî bibe.”
Asena da zanîn ku civînên bajar û navçeyan bi dawî bûne û got, “Em ê di serdema pêş de civînên gel temam bikin. Berdevkê partiya me wê li ser vê yekê daxuyaniyeke berfireh bide çapemenî û raya giştî. Piştî van civînên gel, em ê atolye û komxebatan li dar bixin.”
Asena axaftina xwe wisa domand: “Di esasê xwe de gelê me diyar dike ku ew dixwazin partiyek ku daxwazên xwe bi awayekî vekirî tîne ziman, di meclîsê de gel diparêze û berdevkiya têkoşîna civakî dike, bibîne. Wekî ku Hevberdevka me ya Partiyên Çepên Kesk di civîna komê de got, di dawiya vê pêvajoyê de wekî berdevkê mûxalefeta civakî û navenda mûxalefeta civakî em ê cihê xwe di siyasetê de werbigirin. Lê ji bo vê divê em li benda temambûna civînên gel bin. Daxwazên ku em dixwazin balê bikêşin ser ev in; divê daxwazên derbarê nasname û aboriyê neyên îxmalkirin.”
