Di 29’ê hezîranê de li navçeya Seydîkemerê ya Mûglayê komek faşîst ku ji 20 kesan pêk dihat bi hinceta “rê nedane” êrîşî karkerên kurd kirin. Baroya Mêrdînê têkildarî êrîşa faşîstan a li ser karkerên kurd ên ji Mêrdînê daxuyanî da.
Baroyê di daxuyaniyê de ev tişt parve kir: “Pir aşkere li holê ye ku ev êrîş nîşan dide ku ji ber sedema nasnameya kurdbûnê, karker bi gotinên cihêkar û êrîşê re rû bi rû mane. Zimanê tundiyê û cihêkariyê rê li ber êrîşên nijadperest vedike û wiha hat gotin: “Divê ev êrîşa qewimî ye, wek êrîşek munferît û edlî neyê dîtin. Pêkanînên cihêkariyê jî li polîtîka û zimanê tundiyê zêde bûye. Hiqûq naxebite. Ev hemû dike ku encamên wiha derkevin holê. Sedemê mezin ev in. Em her cûre sepan û polîtikayên ku zemîna êrîşan li dijî nasnameya kurdî zêde dike û xesar dide aştiya civakî û pevçûnan kûr dike, red dikin. Em wek Komîsyona Mafên Mirovan a Baroya Mêrdînê dixwazin ku dest ji zimanê nefretê ku bingehê ji her cûre êrîşên li dijî nasnameya kurd re çêdike bê berdan. Em daxwaz dikin ku bi her awayî bûyer were lêpirsînkirin û were ronîkirin. Em ê pêvajoya hiqûqî bişopînin.”
