Navenda Nûçeyan |
Siyasetmedarê kurd Mihemed Emîn Pêncwênî têkildarî biryara Dadgeha Temîzê ya Herêma Federal a Kurdistanê ku cezayê 5 rojnameger û aktivîstên Behdînanê erê kir, her wiha dagirkeriya tirk û hewildanên ji bo derxistina şerê navxweyî axivî.
Pêncwênî li ser biryara Dadgeha Temîzê got ku biryara dadgehê biryareke siyasî ye û zilm li çalakvan û rojnamegeran tê kirin.
Li ser êrîşên dagirkeriya dewleta tirk jî Pêncwênî diyar kir ku artêşa tirk bi armanca dagirkirina xaka başûrê Kurdistanê êrîş dike û wiha got: “Armanca artêşa tirk têkdana rewşa siyasî û ji holê rakirina statûya Başûr e.”
Pêncwênî îşaret bi hewldanên derxistina şerê kurd bi kurd jî kir û ev tişt anî ziman: “Dewleta tirk dixwaze şerê kurd bi kurd derxîne. Ji bo wê her hêzek kurdî hewl bide şerê birakujî derxe, divê hesab jê were pirsîn. Ji ber ku şerê birakujî li hemû Kurdistanê kuştina doza rewa ya gelê kurd e.”
