Parlamenterê Yekitiya Nîştimaniya Kurdistanê (YNK) yê Parlamentoya Herêma Kurdistanê Luqman Werdî ku bi xwe xelkê herêma Balekayetiyei têkildarî liv û tevgera hêzên PDK’ê ya li Balekayetî û Biradost axivî û fikarên xwe anîn ziman.
Parlamenterê YNK’ê Luqman Werdî diyar kir ku tişta ku PDK’ê bi rêya nûkirina baregeh, bicihkirina çekên koalîsyonê û tevgerkirina hêzê dike karek nerewa, nerast e û divî ev tişt bê rawestandin.
Werdî da zanîn ku armanca liv û tevgera hêzên PDK’ê şerkirina li dijî gerîla ye û ev tişt anî ziman: “Rojekê kurdên başûrê Kurdistanê çûn parçeyên din ên Kurdistanê û hêzên şoreşger ên kurdên parçeyên din alîkariya wan kir. Lewma divê niha başûrê Kurdistanê jî rêz li xebata bakur, rojava û rojhilatê Kurdistanê bigire.”
Di axaftina xwe de Werdî banga yekrêzî û yekitiya neteweyî li aliyan kir û diyar kir ku li beramberî aliyek siyasî yê kurd livandina hêzê karekî nerast, xerab e û wê careke din şerê kurd bi kurd rû bide.
Luqman destnîşan kir ku ew ji planek dewleta tirk e û ji PDK’ê xwest ku vê hêza xwe vekişîne û rewşê aram bike.
Her wiha Werdî aşkera kir ku çûyîna wan hêzan pêwîst nake û pêwîstiya herêmên Balekayetî û Biradost bi şer nîne û axaftina xwe wiha bi dawî kir: “Divê PDK wan çekên ji koalîsyonê wergirtiye, ji bo vegerandina herêmên derveyî îdareya Herêma Kurdistanê ne bikar bîne.” BIRADOST
