Hevseroka HDP’ê Pervîn Bûldan, di civîna koma partiya xwe de axivî û wiha got: “Divê tecrîda li Îmraliyê rabe û dest bi diyalogê bê kirin. Dawiya têkoşîna demokratîk, teqez dê bi muzakereyên demokratîke pêk were.”
Hevseroka Partiya Demokratîk a Gelan (HDP) Pervîn Bûldan, di civîna koma heftane ya partiya xwe ya Meclisê de axivî. Bûldan, derbarê çalakiyên greva birçîbûnê ya bi daxwaza rakirina tecrîda li ser Rêberê Gelê Kurd Abdullah Ocalan dest pê kir û li ser banga Ocalan di 26’ê gulanê bi dawî bûn de wiha got: “Em îro civîna koma xwe dinava serkeftin, bawerî, hêvî û keyfxweşiyek mezin de li dar didin. Belê li dijî tecrîdê, wekîla me Leyla Guven di 8’ê mijdarê de, bi hezaran girtiyên siyasî di 16’ê kanûnê de, Hewler û Strasbûrgê mirovan me dest bi greva birçîbûn û rojiya mirinê kirin. Çalakgeran li ser bang birêz Ocalan di 26’ê gulanê de dawî li çalakiya xwe anîn.”
‘Ev têkoşîn dê demokrasî û aştiyê jî qezenc bike’
Bûldan, bal kişand ser 8 çalakgerên ji bo şermezarkirina tecrîdê jiyana xwe ji dest dan û wiha bilêv kir: “Ligel hemû hewldanan jî 8 kesan jiyana xwe ji dest dan. Berî ku hîn zêdetir mirin pêk werin, bi dawî kirina grevên birçîbûn û rojiya mirinê, baweriyên mezin di raya giştî de ava kirin. Ev têkoşîna çalakgeran, dê demokrasî û aştiyê jî qezenc bike. Di encamê de jiyanê qezenc kir. Divê êdî hemû kes vê yekê baş zanibin, kes nikare pêşiya daxwaza gelan bigire. Divê hemû gel jî zanibin, berxwedan jiyane.”
‘Laçik spiyên me ala aştiyê li ba dan’
Bûldan, têkoşîna dayikên laçik spî silav kir û wiha pê de çû: “Dayikên hêja hûn bûn rêhevalên berxwedêrên ji bo mirovahiyê li ber xwe didin. Hûn bin deng, hûn bûn qîrîn. Hûn bûn dengê aştî, edalet û ronahiyê. We bi laçikên xwe yên spî, ala jiyan, aştî û edaletê liba kirin. Ew laçikên siyasî li dijî hemû êrîşên li ser mirovahiyê, her yek mertaleke.”
Bûldan, di dewama axaftina xwe de wiha got: “Grevên birçîbûnê li dijî bêhiqûqî û bêedaletiyê îtîrazek bû. Ji bo pêşketina çaredariya demokratîk, aştî û edaletê hewar bû. Grevên birçîbûnê dît ku bi polîtîkayên tecrîdê tiştek nayê birêve birin. Berî 4 salan dikaribûn hevdîtinên parêzeran ên bi birêz Ocalan re pêk bînin. Lê nekirin. Divê hevdîtinên hatine dest pê kirin dewam bikin.”
Îşkenceya Xelfetî li holê ye
Bûldan, di dewama axaftina xwe de ev tişt gotin: “Em hebûna kesên dixwazin vî welatî di taritiyê bihêlin û civaka wê bitirsînin baş nas dikin. Va ye Nevçeya Xelfetî ya Riha li ber çavên hemû cîhanê ye. Li wê derê îşkenceyên dij mirovahî hatin kirin. Tiştên li Xelfetê hatin kirin, pratîak dawî ya feraseta dijminantiya mirvohiyê ye. Me ev feraset li Cizîr, Sûr, Nisebên, Pirsûs, Mêrdîn, Mûgla, Êlih û li gelek deverên din dîtin. Xelfetî mînaka herî dawî ya polîtîkayên dawleta faşîst e. HDP dê li Xelfetê dest ji şopa îşkenceya li Xelfetê hat jiyîn bernede. Emê di zemînê hiqûqî de hesab bipirsin. Bêedaletiya heyî herî zêde jin nesibê xwe jê digirin. Tundiya serdest a li dijî jinê, bi awayekê pir alî dewam dike. Di mehekê de 36 jin hatin qetilkirin û 36 jiyan bi dawî bûn. Pir eşker dibêjim ku parastinê jinan erka sereke ya hikumetê ye. Va ye rewşa Nevîn Yildirim li holê ye. Ji bo ku bendana xwe û jiyana xwe biparêze, mafê xwe yê rewa bi kar anî. Lê hat ceza kirin. Nevîn Yildirim ne sûcdare û ne bi tenê ye.” ENQERE
