DMME’yê biryar da ku bi 10 meh cezayê girtîgehê yê ji ber gotina “Mirovên me yên li çiya dijîn mirovên herî bi nirx ên welat in.” li Şaradarê Berê yê Êlihê Huseyîn Kalkan hatibû birîn, mafê “azadiya ramanê” yê Kalkan hatiye binpêkirin û Tirkiye mehkûmî razandina tazmînatê kir
Di sala 2007’an de ji ber gotina “Mirovên me yên li çiya dijîn mirovên herî bi nirx ên welat in.” 10 meh cezayê girtîgehê li Şaradarê Berê yê Êlihê Huseyîn Kalkan hatibû birîn. Piştî cezayê Kalkan ji aliyê Dadgeha Bilind ve hatibû erêkirin, parêzerê Kalkan, Erkan Şenser di 12’ê nîsana 2012’an de serî li Dadgeha Mafê Mirovan a Ewropayê (DMME) dabû. DMME’yê serlêdana Kalkan nirxand û biryar da ku mafê “dema pêwîst a darizandinê” û “azadiya ramanê” yên Kalkan hatine binpêkirin û Tirkiyeyê mehkûmî razandina tazmînatê kir. Li gorî biryarê dê ji bo her serlêdanekê hikûmet 2 hezar û 500 Eûro tazmînata manewî û hezar Eûro jî mesrafa dadgehê razîne hesabê Kalkan.
Parêzerê Kalkan, Erkan Şenses biryara DMME’yê li ser hesabê xwe yê Twîtterê bi parvekirinekê ragihand. AMED
