Federasyonê Sazgehanê Elewî-Bektaşîyan (ABF), Federasyonê Komeleyanê Elewîyan(ADFE), Federasyonê Waqifanê Elewîyan (AVF),Waqfê Kulturê Anadolu yê Haci Bektaş Velî (HBAKV), Komeleyê Kulturî yê Elewîyan (AKD) û Komeleya Kulturî ya Pîr Sultan Abadlî (PSAKD) da zanayene ê do 1ê Êlule Roja Aştîye ya Dinya de loqmeyê aşûreyî Çimeyanê Munzurî de vila bikerê ke bale biancê projeyê peyzajî ser.
Eşkerayîya ke hetê dezgehanê elewîyan ra ameye dayene de nê ameyî parekerdene: ”Kerbala pêrodayîşê çewt û raştî û zalim û mazlûmî yo… Kerbela vera neheqîye feryato ke bi serran o dewam keno… Kerbela her cayo ke tede dej û neheqîye estê. Ewro Munzur Kerbela yo.
Hêrişê vera elewîyan, xîretkerdişê asîmîlasyonî, qirkerdişî û çînhesibnayîşî ewro zî bi projeyê peyzajî vera bimbarekê ma Çimeyanê Munzurî yeno çiman ver fînayene . Munzuro ke cuya dano derûrorê xo, wazenê ey bifatisnê. Ma sey elewî nê rojanê rojanê şînî de yê ke zerrîyê benê pak û hîssê yewîye, wayûbiratîye û haştîye benê xorî. Ardişê haştîye dişmenî ra hîna zor o la mumkun o. Gerek ma vera hêrişê vera bawerî û bimbarekanê xo sey Huseyîn vinderê û sey Zeynebe têkoşîn bikerê. Ma sey dezgehê elewî Roja Haştîye yê Dinya de do loqmeyê aşûreyê xo de Munzur de vila bikerê. Bimbarekê ma ra destê xo biancê. Dest me erzê Munzurî.” DÊRSIM
