Rayîrberîya Xosere ya Şingalî bi eşkerayîyêk nuştekî weşêna û Roşanê Newroze pîroz kerd û vat: “Se beno wa bibo do xoverdayîşê şarê ma yê seba Şingalo Xoser û azade şêro sere, ma do her serre adirê Newroze serê herra pîroze de bi rihê xoverdayîşê gerîla koyanê azadan de gur bikerî û do no kultur bi hezaran serre dewam bikero.”
Rayîrberîya Xosere ya Şingalî eşkerayîyo xo ya nuştekî de roşanê Newroze yê heme şarê kurd, komelê êzidî û azadîwazan pîroz kerd.
Eşkerayîye wina ya:
“Ma Roşanê Newroze yê heme şarî Arî, şarê aştîwaştox û komelê Êzidîye pîroz kenî. Ma umud kene ke do no roşan bibo wesîleya aştî, asayîş û pîyacuyayîşê şaran yê pêroyê dinya û Şingalî.
Seke yeno zanayîş şarê ma yê Şingalî bi serran o, bi coşêk gird, bi serkêşîya Meclîsê Xoserîya Şingalî Newroze pîroz kerdêne û mesajê Şingalo asayî dayêne her kesî.
Laçi heyfo ke emserr bedelê ke şarê ma nê aşmanê peyênan de da, sewbîna seba xelisnayîşê qurbanîyanê erdlerzê Vakur û Rojawanê Kurdistanî, ma sey Rayîrberîya Xosere qerar da ke ma tu şahîyêk nêvirazî. La no nîno manaya ke şarê ma do Newroze pîroz nêkero. Şewa Newroze de xeylê cayan de şarê mad ir tac-vist û na roje pîroz kerd.
Ewro ma vînenê ke xeylê planê dişmenî sere Şingalî de yene rayraberdiş û wazenê şarê Şingalî heqîqetê xo ra dûrî bêro fînayîş. Lazim keno ke şarê ma rojanê xo yê pîrozan de bivejîyo raşteyan û rayîr nêdo ke palnê dişmenî ser bikewî.
Se beno wa bibo do xoverdayîşê şarê ma yê seba Şingalo Xoser û azade şêro sere, ma do her serre adirê Newroze serê herra pîroze de bi rihê xoverdayîşê gerîla koyanê azadan de gur bikerî û do no kultur bi hezaran serre dewam bikero.”
