Odayanê Tabîban ê Agirî, Êlih, Bedlîs, Amed, Mêrdîn, Riha, Şirnex, Wan-Colemêrgî derheqê hêrişê polîsan ê vera Wekîlê Partîya Demokratîke ya Şaran (HDP) Habîp Eksîkî de eşkerayîyêka hempare daye.
Eşkerayîye de şîdetê polîsan ame şermezarkerdene û ame vîrvistene ke nawnayîş, kombîyayîş û rayraşîyayîş heqê merdiman ê ke bi Qanûnê Bingeyî û peymananê mîyanneteweyîyan pawîyenê.
Eşkerayîye wina dewam kena: “Îşkence sûc o, ma nê serebûtî şermezar kenê û wazenê ke derheqê mesuldaranê nê serebûtî de meqamê edlî û îdareyî cade têbigêrê. Qedîyayîşê şîdetê komelkî bi nê hesasîyetî mumkîn o. Şîdeto ke ma warê weşîye de têrî manenê, parçeyêkê şîdetê komelî yo. Vera şîdetî, teda, astengkerdişî ma do şuxilnayîşê heqanê demokratîkan rê dewam bikerê.” AMED
