Vizêr dewa Biyadirî ya qezaya Çelê de 2 domanê ke waştî Royê Zê de asnawe bikerî xeniqîyabî. Domanê ke Royê Zê de xeniqîyayî goristanê dewe de ameyî definkerdene
Vizêr dewa Biyadirî ya qezaya Çelê ya Colemêrgî de 2 domanê bi nameyê Yusuf Erdal (17) û Haci Erdal (16) ke waştî Royê Zê de asnawe bikerî awe de xeniqîyabî. Cenazeyê wirdî domanan wedarîyabî morgê Nêweşxaneyê Dewlete yê Qeza. Cenazeyê wirdî doman goristanê dewe de ameyî definkerdene.
Ame zanayene ke derheqê hedîse de tehqîqat dîyayo destpêkerdene. COLEMÊRG
