Goreyê xebera ANHA ke çimeyanê cayîyan ra girewte çeteyê Firket El Hamza ke pabesteyê dewleta tirke yê dewa Kîmarê ya qezaya Şêrawa ya Efrînî de hêrişê sîvîlan kerd.
Çeteyan hemwelatîyo bi nameyê Abdulrahman Hemo (70) û domano bi nameyê Cengîz Necar (14) ke şîyînê hêga, ser o guleyî varnayî.
Otopsîya meyîtê domanî de ame tespîtkerdene ke 40 guleyan îsabetê ci kerdo.
Eynî hêrişî de bi nameyê Mesud Mecîd Cemo (30) sîvîlêk zî birîndar bi. EFRÎN
