Dayîkê Aştîye dayî zanayene ke verê awanîya HDPyî ya Amedî de çalakîya roniştişî bivirazê, polîsan zî saete 04.00î ra nata dormeyê awanîya HDPyî girewtî. Polîsî dekewtiş û vejîyayîşê awanîye rê destur nêdanê
Dayîkê Aştîye dayî zanayene ke verê awanîya Partîya Demokratîke ya Şaran (HDP) ya Amedî de çalakîya roniştişî bivirazê, polîsan zî saete 04.00 ra nata dormeyê bînaya HDPyî girewt. Polîsî dekewtiş û vejîyayîşê bînaye rê destur nêdanê.
Mudirîya Asayîşî ya Şaristanî ya ke 3 serran ra nata dormeyê Rêxistina HDPyî ya Amedî gêna, saeta 04.00a sibayî ra nata dekewtiş-vejîyayîşê awanîye rê destûr nêdana. Polîsan dima ke eşnawito Dayîkê Aştîye do vere awanîya HDPyî de çalakîya roniştişî bikê tê gêrayê û bi wesayîtanê zirxî dormeyê bînaye girewtî. Polîsan nêverda ke Dayîkê Aştîye ke saete 07.00 de do çalakîya roniştişî bikerdêne, nêzdîya awanîye bibê. Pêroyê kuçeyê awanîye ameyî girewtene û destur nêno dayene ke wesayîtî tira şorê. Xebatkarê partîye zî nênê girewtene zereyî.
Grûba ke her roje saete 09.00î de ameyêne ardene vere awanîye ke xebatkaran û Dayîkê Aştîye rê ameye girewtene, ewro saete 07.00 de ameye ardene vere bînaye. AMED
