Li navçeya Hênê ya Amedê, 5 xizmên G.A.’yê bi awayekî sîstematîk tecawizî wê kiribûn. Piştî G.A., ducanî mabû tecawiza sîstematîk derketibû holê. G.A. giliyî her pênc xizmên xwe kiribûn lê belê tenê îfadeya A.D. hatibû girtin. Piştî G.A. tiştên hatibûn serê wê ji ajansa Mezopotamyayê re gotibûn, dozger îfadeya gumanbarên din Î.A., M.A., Ş.A. û Î.A. jî girtibû.
Piştî G.A. gilî kiribû, bavê kesên tecawizî wê kiribûn bi mirinê gef lê xwaribûn û ji ber vê yekê ji aliyê Wezareta Polîtîkayên Malbat û Civakê ve li stargehekê hatibû bicihkirin. G.A. li vê stargehê zaroka xwe anîbû dinê. Piştî zarok anî dinê, zaroka wê dabûn cem malbata parêzkar. Lê belê G.A. li bendê bû ku der barê sûcdaran de tiştek bê kirin.
Lê Serdozgeroya Komarê ya Hênê, talîmatek ji Serdozgeriya Komarê ya Çewligê re şand û jê xwest ku ji bo bê diyarkirin ka G.A. ‘dîn e yan na’ rapora Saziya Tiba Edlî bê amadekirin. AMED
