Dozger bi îdiayên ‘çalakiya rêxistinê’, ‘bi awayekî giran tawanbarkirina TSK’ê’ û ‘rojnamegeriya li dijî dewletê’, ji rojnameger Esra Solîn Dal re ji 7 sal û nîvan heta 15 salan cezayê girtîgehê xwest
Di 9’ê cotmeha sala 2018’an de bi awayekî hemwext li 9 bajaran operayon pêk anî. Di operasyona ku navenda wê Amed bû de di nav de rojnameger jî, herî kêm 142 kes hatibûn binçavkirin. Yek ji rojnamegerên hatibûn binçavkirin jî nûçegihana Ajansa Mezopotamyayê (MA) Esra Solîn Dal bû.
Dozgeriyê der barê rojnameger Esra Solîn Dal de bi îdiaya ‘endamtiya rêxistinê’ îdianame amade kir. Îdianame ji aliyê 10’emîn Dadgeha Cezayên Giran a Amedê ve hate qebûlkirin. Di îdianameyê de daxwaza hevdîtinê ya ji çavkaniyên nûçeyan re weke ‘çalakiya rêxistinê’, der barê mirina zarok û jinên li Efrînê de daxwaza hevdîtinê ya bi parêzvanên mafên mirovan re weke ‘Bi awayekî giran tawanbarkirina TSK’ê’, der barê tehcîra ermenan de daxwaza hevdîtinê ya bi Ûdî Yevartê ermen re jî weke ‘Rojnamevaniya li dijî dewletê’ hat nirxandin.
Di îdianameyê de dozger xwest ku bi îdiaya ‘endamtiya rêxistinê’ ji 7 sal û nîvan heta 15 salan ceza li Dal bê birîn. AMED
