Hate ragihandin ku balafira şer a bê mirov a hêzên Efganistanê ‘bi şaşitî’ bombe li sivîlan barandiye. Ji ber êrîşê herî kêm 30 sivîl mirin û 40 jî birîndar bûn.
Li gorî daxuyaniya çavkaniyên fermî, balafira şer a bê mirov a hêzên Efgan li rojhilatê Efganistanê dema ku dixwest li devera ku çeteyên DAÎŞ’ê xwe lê veşartine bixe, ‘bi şaşitî’ li cotkaran xistiye.
Endamê meclîsa wîlayeta Nangarharê Sohrab Kaderî diyar kir ku ji ber êrîşê 30 karkeran jiyana xwe ji dest dane, nêzî 40 karker jî birîndar bûne.
Wezareta Parastinê êrîş piştrast kir, lê wekî din agahî eşkere nekir.KABÎL
