Wezîrê Karê Derve yê DYA’yê Mîke Pompeo got avêtine moşekan ên Koreya Bakur ji bo domandina muzakereyên van du welatan ne asteng e.
Wezîrê Karê Derve yê DYA’yê Mîke Pompeo, got moşekên ku herî dawî Sêşemê hatine avêtin, ji bo muzakereyên ku bi hevdîtinên Donald Trûmp û lîderê Koreya Bakur Kîm Jong Un gihaştine astekê, ne asteng e.
Pompeo, got moşek wê muzakereyên ku herî dawî Hezîranê di navbeyna Trûmp û Jong Un de hatibûn kirin, asteng nekin.
Li ser pirsa bê ka ceribandinên moşekan wê ziyanê bidin atmosfera ku ji bo destpêkirina muzakereyan hewce ye jî Pompe got, ”na”.
Pompeo bi bîr xist 2017’an dema ku Trûmp hatî ser kar Pyongyangê moşekên bi menzîla dirêj ceribandine, yên van rojên dawî bi menzîla kurt in. Pompeo her wiha got ew hêvî dikin ku di demeke nêzîk de vegerin ser maseya muzakereyê. WASHÎNGTON
