Di demekê de ku di navbera Washington û Pekinê de têkoşîna bandorî û giraniyê heye, DYA bi 10 welatên Başûrê Asyayê re dest bi tetbîqateke hevpar a leşkerî kir.
Tetbîqata leşkerî bi heşt keştiyên şer û çar balafirên şer, her wiha zêdeyî hezar leşkerî pêk tê. Tetbîqatê li baregeheke deryayî ya li başûrê Pattayayê ku qadeke tûrîstîke dest pê kir.
Li gorî daxuyaniya nivîskî ya Sefaretxaneya Bilind a DYA’yê ya li Bangkokê, tetbîqatê Duşemê dest pê kir û wê pênc rojan li Tengava Taylandê û Derya Başûrê Çînê bidome.
Wezîrê Karên Derve yê DYA’yê Mike Pompeo di meha Tebaxê de beşdarî civîneke bilind a herêmî bû bû ku 10 welatên endamên Komeleya Neteweyên Asya Başûr (Asean) beşdar bûn. Di civînê de dihate xwestin ku stratejiya Serokê DYA’yê Donald Trump a der barê herêma Hint-Pasifik de bê teşwîqkirin.
Myanmar jî tevlî tetbîqatê dibe ku gelek berpirsyarên wê yên leşkerî bi paqijkirina etnîkî tên sûcdarkirin û DYA pêkanîn li ser rayedarên wê ferz kiriye.
Di demekê de ku têkoşîna bazirganiyê ya navbera Washington û Pekinê mezin bûye, pêkhatina vê tetbîqatê weke xwerakişandina li Çînê tê şîrovekirin.NAVENDA NÛÇEYAN
