Polîsê Edene eştî serê xeylê keyeyan. Polîsan netîceyê sereştişê keyeyan de tewr kêm 16 kesan tepiştî.
Polîsê Edene saetanê serê sibayî de eştî serê 38 adresan. Çarçeweya tehqîqatê Serdozgerîya Komarî ya Edene de polîsan eştî serê keyeyan û netîceyê sereştişê keyeyan de tewr kêm 16 kesan tepiştî. Ame zanayene ke polîsan bi asinan berê hemwelatîyan şikitî û keyeyan de cigêrayîş kerdî. Kesê ke ameyî tepiştene berdî Mudirîya Polîsan ya Edene. Ame îdîakerdene ke kesê ke ameyî tepiştene ‘Hadreyîya çalakîyê 15ê Sibate kerdî.’ EDENE
