Polîsan Edene û Meletî de eşt xeylêk keyeyan ser û 8 kesî binçim kerdî
Polîsan, Edene û Meletî de serê fermanê Dozgera Komara ya Edeneyî de eşt serê xeylêk keyan û 8 kesan destbend kerdî. Polîsan Taxa Selahattin Eyyubî ya qezaya Yuregirî ya Edeneyî de eşt serê keyeyê Ferhat Sezginî û Ferhatî destbend kerdî. Polîsan xeylêk kitabê Ferhat zî desteser kerdî û înan berdî Mudirîyêa Polîsan ya Edeneyî.
Meletî de zî operasyonê sîyasî
Polîsan Meletî de zî eşt serê keyeyan û Hemsereka Partîya Sosyalîstanê Bindeste (ESP) ya Meletî ya verê Ayşe Işik, îdareyê Komeleya Kulturî ya Pîr Sultan Abdalî (PSAKD) Sayime Tuncel, Hatice Zengîn û namzeda parlamentera ya HDPyî ya verê Betul Kûrnaz Kiliç û endamê Partîya Demokratîke ya Şaran (HDP) Gule Dogan, Reyhan Bakir û Hatun Aydin destbend kerdî. Kesê ke destbend kerdî berdî Mudirîya Polîsan ya Meletî. EDENE / MELETÎ
