Ji ber krîza aborî û zêdebûna kûra dowîzan buhayên zexîre û qût her diçe bihatir dibe. Goştê spî yê ku Tirkiye îxracata wê dike jî nesîbê xwe ji vê buhabûnê girt.
Gelê ku ji zû ve ye ji ber buhabûna goştê sor bêtir ber bi goştî spî ve çûye, di demên dawî de ji ber krîza aborî û zêdebûna kûra dowîzan êdî nikare goştê spî jî bikire. Welatî piştî ku goştê spî ji sedî 30 buha bû, êdî goştê mirîşkan jî bi graman dikirin.
Li Taxa Çîmentepe ya navçeya Konak a Îzmîrê Hamdiye Yagiz ku dikana wê ya şarkuteriyê heye, anî ziman ku bi zêdebûna kûra dowîzan her tişt biha bûye û şêniyên taxê êdî nikarin goştê mirîşkan jî bistînin û wiha got: “Mirov tên tiştan distînin lê bi graman distînin. Yanî ji dêvla mirîşka sax, tên an hêtek wê an jî perçeyek sînga wê distînin. Berê goştê sor nedihat stendin, niha goştê mirîşkan jî nayê stendin. Gava hin kes mirîşkek sax bistînin kêfa me tê.” ÎZMÎR
