N.A. ya 17 salî ku kekê wê tundî lê dikir, telefona xwe ya destan firot û li wargeheke dewletê ma. N.A. ku ji bo ji tundiya kekê xwe yê ku madeyên tiryakê bi kar dianî rizgar bibe, ji malê derket, vê carê kesekî ji Wanê yê bi navê A.P. û efser T.A. nas kir.
Her du kesan dest avêtin N.A. Piştî ku N.A. êrîşa lê hate kirin ji malbata xwe re got, li Dozgeriya Komarê ya Wanê gilî kir.
N.A. di îfadeya xwe de diyar kir ku ji wê hebû A.P. jê hez dike lê belê ew bir peravê Gola Wanê û dest avête wê. N.A. her wiha diyar kir ku efser ê bi navê T.A. jî ew biriye mala xwe û piştî ku alkol bi wê daye vexwarin dest avêtiye wê.
Li ser îfadeya N.A. Dozgeriya Komarê biryara girtina kesê bi navê A.P. da, lê têkildarî efserê bi navê T.A. tenê biryara destpêkirina lêpirsînê da. WAN
