Egîd Baran serra 2001 de Amed dadîya xo ra bîyo, keyeyê ci qezaya Farqînî ra yo la welatperwer nêbi. Egîd şaristananê sey Antalya û Manîsa de mend û zulmê dewleta tirke yê vera kurdan bi hawayêkê zelalî dî. Egîdî no zulm qebul nêkerd. Domanîya xo ra naya Egîdî PKK meraq kerdêne û eleqe mojnayêne ci. Egîd tewrê çalakî û aktîvîteyan bi û pê Fermandar Egîd hesîya. Egîdî waştêne ke sey ey xizmetê şarî bikero. Peynî de Egîdî bire daye û verê xo da koyan.
Dewleta tirke keyeyê Egîd Baranî verê bînaya Partîya Demokratîke ya Şaran (HDP) ya Amedî de nişna ro. Gerîla Egîdî venga keyeyî xo da.
Vengdayîşê gerîla Egîd Baranî wina yo:
”Ez bi zanayîş û îradeyê xo tewrê gerîlayan bîya. Bi zorî pê dadîyanê ke verê bînaya HDPyî de nişenê ro yeno vatene ke ‘PKK domananê ma remneno.’ Ma seba ke nê zulmî ra tehamul nêkerd tîya de yê. Verî ke ez tewra gerîlayan bîya mi keyeyê xo rê mektubêk nuşt, mi keyeyê xo de qisey kerd û mi da zanayene ke ez bi waştişê xo tewra gerîlayan bîya. Reyna zî ê pê dafika dişmenî xepîyayî û verê HDPyî de vanê ‘PKK bi zorî domananê ma remneno.’ Ê zî zanenê ke no raşt nîyo. Dişmen keyeyanê gerîla û şehîdan ser o polîtîkaya şerê taybetî ana ca. Çew nêeşkeno bi zorî tewrê gerîlayan bibo. A raşte dewleta tirke bi zorî pê ma leşkerî kena. Ma no qebul nêkerd.
HDP partîyêka sîyasî ya la ma koyanê Kurdîstanî de sey gerîlayan şer kenê. Ganî keyeyê ma pê dafika AKP,MHP û Erdoganê faşîstî nêxepîyê. Herinda naye de wa şorê seba haştîye verê bînaya AKPyî de ronişê. Sere de keyeyê xo ez venga pêro keyeyanê ke verê HDPyî de nişenê ro, dana ke wa uca ra şorê, pê kayanê Erdoganî mexepîyê. Meverdê ke ê şima bikerê ajan. Vera naye vejîyê.” BEHDÎNAN
