Ekolojîst Ertugrul Barka diyar kir ku şer ne tenê mirovan tune dike û wiha got: “Şer hem mirovan û hem jî çand û xwezayê tune dike û şerê niha li dijî Bakur û Rojhilatê Sûriyeyê wê Rojnihata Navîn bike gola xwînê. Şer, sucê li dijî mirovahî û xwezayê ye.”
Serokomarê Tirkiyeyê Recep Tayyip Erdogan di 9’ê Cotmehê de biryara êrîş û dagirkeriyê li dijî Bakur û Rojhilatê Sûriyeyê îlan kir. Piştrî Erdogan biryara êrîşê îlan kir, TSK û OSO bi hevre li dijî Bakur û Rojhilatê Sûriyeyê bi tang, top û balafirên şer dest bi êrîşê kirin. Êrîşên li dijî Bakur û Rojhilatê Sûriye di roja 6’an de didomin. Ekolojîst Ertugrul Barka, li dijî şer bertekên xwe anin ziman û xwest şer bi dawî bibe.
Barka anî ziman ku sedema esasî ya êrîşa li dijî Bakur û Rojhilatê Sûriyeyê pergala civaka demokratik, komunal û ekolojîk ya tê avakirin e û wiha got: “AKP ji vê pergala tê avakirin ditirse. AKP carek din di asta gel de winda kir. Ji bo îktîdara xwe berdewam bike serî li rêbaza şer dide. Şerê heyî herî zêde zerarêdide ekolojiyê. Ekolojiyê talan û wêran dike. Çekên giran û bombeyên tên teqandin tenê mirovan nakuje. Hem mirovan dikuje, hem xweza û çandê tune dike. Ev şer wê Tirkiye û Rojhilata Navîn ji nûve bi teşe bike. Wê Rojhilata Navîn bike gola xwînê. Şer sûcê li dijî mirovahî û xwezayê ye. ” ÎZMÎR
