Namzedê Şaredarîya Girdî yê Stenbolî Ekrem Îmamoglu qezaya Beylikduzuyî de raya xo da û va: “Wextê akewtişê rojî de do her çî zaf weş bibo.”
Namzedê Îtîfaqê Millet û CHPyî yê Şaredarîya Girdî yê Stenbolî Ekrem Îmamoglu seba weçînayîşê Şaredarîya Stenbolî ke dibare pê yeno, qezaya Beylikduzu ya Stenbolî de şîyî sindoqan ser û rayanê xodayî. Ekrem Îmamoglu bi coşêk gird yê şarî û rojnamegeran reyde raya xo eşt sindoq. Badê ke Îmamoglu raya xoeşt sindoq siloganê ‘Şaredar Ekrem’ û ‘Do her çî zaf weş bibo’ ameyî berzkerdene. Îmamogluyî ra dima cinîya ci Dîlek Îmamoglu û lajê ci Ekremî rayanê xo eştî.
Sewbîna Serekê Pêroyî yê AKPyî û Serekkomar Recep Tayyip Erdogan, tewrê cinîya xo Emîne Erdogan, kênaya xo û zamayê xo reyde Mektebê Saffet Çebî yê Uskudarî de şîyî sindoqan ser û rayanê xo eştî.
Sereka Pêroyî ya ÎYÎ Partî (ÎP) Meral Akşenere zî Stenbol de şîye sindoq ser û raya xo eşte. STENBOL
