Elewîyan ê ereban ke Hatay ra yê, seba vîrardena kesanê ke erdlerzê Mereşî de dinyaya xo bedilnaya, hirîsî viraşte.
Hirîsî hîna zaf roşanan de yeno viraştene la na rey seba kesanê ke erdlerzî de dinayaya xo bedilnaya, ame viraştene. Şaredarîya Defne ke zafîya ci de elewîyî ciwîyenê, seba ê kesan ke erdlerzî de dinyaya xo bedilna hirîsî viraştne.
Mehmet Sûltanoglu ke bi serran o ke serekîya Komeleya Hetkarîya û Paştîdayîşê Komelkî yê Taxa Akdenîzî kerda, dîyar kerd ke erdlerzî tewr zaf zirar dayo elewîyan û vat: “Seba ke reyna nê tewir felaketî nêbê ma hirîsî viraşt ke bi nameyê aşûre yeno zanayene. Ma pîya bi hemkarîye sey kulturê xo viraşt.”
Sultanogluyî da zanayene ke hema zî cenazayê înan binê xirban de yê û vat ke dejê înan zaf giran o, seba ke ê bieşkîyê bêrê pêser wext lazim o. HATAY
