Hêzê dewleta Tirkî Êlîh de hêrişê merdimanê tepişteyan kerd. Merdimê tepişteyanê ke waştêne vernîya Zîndanê Tîpê M’yî de çalakî virazê, raştê hêrişê polîsan ameyî. Tewr tay 19 kesî ameyî tepiştene
Merdimê tepişteyanê ke domanê înan zîndan de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê waşt ke vernîya Zîndanê Êlîhî de çalakîya roniştişî virazê. Polîsan bi wesayîtanê zirxinan merdimê tepişteyan girewtê binê ablûqa. Dima ra zî hêriş kerd û tewr tay 19 kesî ameyî tepiştene. Dayîkan ra yewe hêrişê polîsan de xora şîye. ÊLÎH 
