Ji bo bal kişandina ser çalakiyên greva birçîbûnê û piştgiriya bi çalakvanan re, li Êlihê çalakî hat lidarxistin. Koma çalakvan meşek li dar xist û di dema meşê de jî dirûşma ‘bijî berxwedana zindanan’ berz kirin
Çalakiya greva birçîbûnê ya ji bo rakirina tecrîda girankirî ya li ser Rêberê Gelê Kurd Abdullah Ocalan, bi pêşengiya hevseroka KCD’ê û parlamentera HDP’ê ya Colemêrgê Leyla Guven hatiye destpêkirin di roja 143’yemîn de didome. Di heman demê de hem li girtîgehên bakurê Kurdistanê û Tirkiyeyê, hem li başûrê Kurdistanê û hem jî li gelek navendên derveyî welat jî zêdetirî 7 hezar kes di greva birçîbûnê ya bêdem û bêdorveger de ye. Rewşa çalakvanan her ku diçe xerabtir dibe.
Ji bo piştgiriya bi çalakvanên di greva birçîbûnê de û bal kişandina ser çalakiyê, çalakiyên cur bi cur tên lidarxistin. Di vê çarçoveyê de li Êlihê çalakî hat lidaxistin. Bi vê boneyê li Êlihê komeke ji welatiyan, ji taxa Baglar a Êlihê meşek li dar xist. Di meşê de çalakvanan bênavber dirûşmên ‘Bijî berxwedana zindanan’ berz kirin.
Welatiyan piştî meşê jî fîşekên hewaî teqandin û çalakiya xwe bi dawî kirin. ELIH
