Hevseroka Rêxistina HDP’ê ya Mûglayê, Fulya Erdogan, diyar kir ku di çarçoveya “Kampanya Malbatên Xwişk û Bira” de xwe gîhandine 49 malbatan û wiha got: “Werin em bi hevre vê tora piştevaniyê bihûnin.”
Partiya Demokratîk a Gelan (HDP) ji bo piştgirî û piştevaniya civakî ya di vê pêvajoya şewba vîrûsê de kampanya “Malbatên Xwişk û Bira” dabû destpêkirin. Kampanya her ku diçe mezin dibe û belav dibe. Rêxistina HDP’ê ya Mugla jî li Muglayê bi hevkariya Kongreya Demokratîk a Gelan (HDK) û Sendikaya Xebatkarê EV-EKSENLî xebatê berdewam dikin. Heta niha 49 malbatên xwişk û bira ava kirin.
Hevseroka Rêxistina HDP’ê ya Mûglayê, Fulya Erdogan, diyar kir ku di çarçoveya “Kampanya Malbatên Xwişk û Bira” de xwe gîhandine 49 malbatan û wiha got: “Werin em bi hevre vê tora piştevaniyê bihûnin. Em ê xebatê xwe yên piştevaniyê berdewam bikin. Heta niha me 120 koliyên zexîreyan li malbatê ku pêdiviya wan heye belav kiriye. Em bang dikin ku em bi hevre vê torê xurt bikin. MUGLA
