TJA bi daxuyaniyeke nivîskî ragihand ku dê 1’ê Îlonê Roja Aştiyê ya Cîhanê bi kincên xwe yên gelêrî û laçikên spî tev li mîtîngan bibin û ji bo vê banga tevlibûnê kir
Tevgera Jinên Azad (TJA) bi wesîleya 1’ê Îlonê Roja Aştiyê ya Cîhanê daxuyaniyeke nivîskî weşand.
Di daxuyaniyê de hate ragihandin ku êrîşên mîlîtarîst û faşîzan ên serdestan ên li Rojhilata Navîn bandorê li jin û zarokan dikin û wiha hat gotin: “Bi giranbûna şer re zext û êrîşên li dijî gelan û jinan jî dijwartir bûn. Di vê demê de ku Roja Aştiyê ya Cîhanê nêz e, îrade hate desteserkirin, tundiya li jinan hîn giran bû.”
TJA’yê diyar kir ku wê bi kincên xwe yên gelêrî û laçikên spî tev li mîtîngên Roja Aştiyê ya Cîhanê yên li Stenbol, Wan û Amedê bibin.
Her wiha daxuyaniya TJA’yê wiha bi dawî bû: “Banga me li jinan û têkoşerên demokrasiyê ye ku ji bo aştiyeke bi rûmet û demokratîk, em li qadan li hev kom bibin.” AMED
