Êrîşên dagirkeriyê yên artêşa tirk ên li ser başûrê Kurdistanê dewam dikin. Gerîlayên HPG’ê jî bi Pêngava Şoreşgerî ya Bazên Zagrosê bersivê didin êrîşan. Gerîlayên HPG’ê Dilgêş Başkale û Akîf Arîn li ser Pêngava Bazên Zagrosê axivîn.
Gerîlayê HPG’ê Dilgêş Başkale anî ziman ku bi Pêngava Bazên Zagrosê ew dixwazin derbê li dewleta tirk bixin û wiha got: “Bi vê pêngavê em dixwazin dijmin poşman bikin ku hatiye Kurdistanê. Heval hemû giraniyê didin ser vê yekê. Ez di wê baweriyê de me ku di encama vê yekê de em ê derbên mezin li dijmin bixin.”
Gerîlayê HPG’ê Akîf Arîn jî destnîşan kir ku armanca wan li Zapê têkbirina dijmin e û ev tişt anî ziman: “Hevalên li çeperên berxwedanê ne, hemûyan silav dikim. Şerê îsal ê navbera me û dijmin wê bibe fînal. Bi navê gerîlayên Kurdistanê em ê bersivê bidin bendewariyên xelkê xwe. Em ê dawî li tecrîda giran a li Îmraliyê bînin û bi Rêberê xwe re jiyana azad ava bikin.” BEHDÎNAN
