Tevgera Jinên Azad (TJA) û Meclisa Jinan a HDP’ê têkildarî êrîşa ser avahiya HDP’ê ya Îzmîrê û qetilkirina Denîz Poyraz daxuyaniyên nivîskî weşandin.
TJA’yê di daxuyaniya xwe de wiha got: “Kesên ku ev komkujî pêk anîn, hişmendiya ku di salên 90’î de Binevş Agalan, di 2013’an de li Parîsê Sakîneyan, di 2016’an de li Silopiyayê Sêvêyan û li Cizîrê Asyeyan qetil kirin û îro li Îzmîrê Denîz qetilkirin, eynî ye. Tenê navê têtîkkêşan hatiye guhertin. Wê ev hişmendî li hemberî xwe me her tim serbilind bibîne. Em weke jin ji kolanan dernakevin, em ê li kolanan li ber xwe bidin û bi mezinkirina têkoşîna xwe biparêzin. Heta ku em hesaba Sakîne, Sêvê, Asya û Denîzan ên di têkoşîna azadiya jinêande nemir bûn, nepirsin em ê li her derê bin.”
Meclisa Jinan a HDP’ê jî, li ser hesabê xwe yên medyaya dîjîtal ev parvekirin kir: “Wê desthilat û alîgirên wan ên di êrîşa çekdarî ya li rêxistina me ya Îzmîrê de bûn sedema qetilkirina hevala me Denîz Poyraz, hesabê bidin. Dê jin hesabê vê komkujiyê bipirsin.” AMED
