Navenda Nûçeyan |
Bi dehan nivîskar û mamostayên zanîngehê têkildarî dagirkeriyê û hewldanên dijmin ên derxistina şerê kurd-kurd daxuyaniyek hevpar dan.
Di daxuyaniya hevpar de ev tişt hat gotin: “Dîsa zenga şerê navxweyî lê dide. Ji bo li Kurdistanê xwîn birije dîsa kar tê kirin. Erka hemû mirovek û her ferdekê ye rê nedin şerê navxweyî rû bide ku li ber deriyê me ye. Gefê li hebûna me dike. Şer bi tu awayî di berjewendiya kurdan de nîne. Di berjewendiya Herêma Kurdistanê de nîne. Sûdmendê her şerekê dijminê kurd in. Nabe dilê dijmin xweş bikin û dilê dayikên Kurdistanê reş bikin. Divê hemû alî destê aştiyê bilind bikin ku dihola şerê kurd-kurd lê didin.
Divê hemû xelkê Kurdistanê bi bawer bin, ger vê carê şerê navxweyî berfireh weke salên 1990’î rû bide, wê neweke şerên din ê navxweyî be, niha hevsengiya hêzên cîhanê guheriye, hevpirsgirêkên van berevajiya berjewendiyên kurd bûne.
Wê her şerekî navxweyî yek aliyekê neşewitîne, belku wê hemû tiştî bigire nava xwe û guleyê li statûya Herêma Kurdistanê bide. Ev plana ku ji bo herêmê hatiye dariştin gelek ji vê yekê metirsîdartir û mezintire ku em dihizirîn. Divê demê de wê her şerek navxweyî ter û hişt bi hev re bişewitîne.
Em êdî dilê dijminê xwe xweş nekin
Wê şerê navxweyî xewn û hêviyên gel tu temamî li gorê bide. Wê Kurdistanê bike qada şer ku wê destpêk diyarbe, lê qet dawiya diyar nebe. Dixwazin Herêma Kurdistanê weke Sûriyeyê lê bikin. Lewma divê bi hemû awayî li dijî her hewildanên ji bo şer tên kirin rawestîn.
Banga diyalogê
Şerê vê carê şerê tunekirina hemû destkeftiyên kurdan e. Em êdî dilê dijminê xwe xweş nekin. Daxwazê ji Partiya Demokrata Kurdistanê (PDK) û PKK’ê dikin ku demildest li ser mêzê guftûgoyê rûnin û pirsgirêkan bi rêya diyalogê çareser bikin. Divê fam bikin ku timî dagirkerên Kurdistanê planên şerê kurd-kurd danîne û agir xweş dikin. Divê em hemû vî agirî ji Kurdistanê dûr bixîn.
Daxwazê ji xelkê Kurdistanê dikin ku piştgiriya aştiyê bikin û neftê li şer bikin.”
Navê kesên daxuyanî dane:
Prof. Dr. Kamûran Mentîk: Pisporê Peywendiyên Navneteweyî-Hewlêr
Dr. Afir Goran- London
Dr. Zîrek Imer Mendenî: Bijîşkê hinav û malbatê – Swêd
Dr. Nigîn Cefer: Pispora nexweşiyên jinan û zarokan-Danîmarka
Dr. Talar Elî emîn: Pisporê dîroka nû û hevçerx-Silêmanî
Dr. Kejal Hewêj: Bijîşka beşa hinav- Swêd
Dr. Kiwêstan Şehabî-Swêd
Prof: Dr. Kutir Ehmed: Pisporê yasaya tewanan: Hewlêrê
Dr. Berxwedan Hesen: Swêd
Dr. Kerîm Afir: Pisporê dil
Dr. Karwan Sincawî: Pisporê difin û guh- Swêd
Dr. Azad Emîn Seydo: Pisporê dil-Swêd
Dr. Azad Osman: Pisporê zanista siyasetê- Elmanya
Dr. Jiyan Mecîd: Bijîşka malbatê- Swêd
Dr. Lemîhe Tofîq: Pispora difirin, qewrî û guh- Swêd
Newzad Mehrûf: Endezyar û çalakvanê sivîl- Danîmarka
Sîrwan Bazirgan: Endezyar û wergervan: Swêd
Dr. Bextiyar Muderis: Pisporê Nojdariyê-Kobanê
