Rêveberiya Washingtonê ragihand, ku Amerîka li gelek rêveberên payebilind ên Îranî û malbatên wan hatiye qedexekirin.
Wezîrê Karên Derve yê DYA’yê Mike Pompeo diyar kir, qedexe li dijî ‘Rêveberên Îranî û malbatên wan e’ ku ji derfetên Amerîkayê sûdê werdigirin. Di daxuyaniya çapemeniyê de ku bi navê Pompeo hate weşandin hate gotin, “Rêveberên Îranî û malbatên wan di serî de perwerde, şahî û çandê ji gelek derfetên Amerîkayê sûd wergirtin.”
Di daxuyaniyê de hate ragihandin, ku Serokê DYA’yê Donald Trump bi biryarnameyeke serokatiyê li rêveberên payebilind ên Îranê û malbatên wan hatina Amerîkayê qedexe kiriye.
Di daxuyaniyê de hate destnîşankirin ku rêveberên elît ên li Îranê demeke dirêj ji ‘derfetên civaka azad’ ên Amerîkayê sûd wergirtin, lê belê wê êdî nikaribin jê sûdê werbigirin. Pompeo di daxuyaniya xwe de careke din îdîa kir ku Îran yek ji welatên sereke ye ku piştevaniya terorîzmê dike. WASHINGTON
