Rûsyayê di 24’ê sibatê de li dijî Ukraynayê şer da destpêkirin. Şer di roja 5’emîn de didome. Şer li bajarên peravên Derya Reş dijwar bûye. Wezareta Tenduristiyê ya Ukraynayê diyar kir ku 14’ê jê zarok 352 sivîl mirin e. Ji xeynî Tirkiyeyê li hemû welatên cîhanê der barê aboriya Rûsyayê de biryarên cezakirinê girtin.
Yekitiya Ewropayê di dîrokê de cara ewil dê bi bihayê 450 milyon Euro çek, bi bihayê 50 milyon Euro sotemenî û gelek amûrên din ji bo Ukraynayê bişîne. Di nava amûrên ku bên şandin de balafirên şer jî hene. Li aliyê din Konseya Ewlehiya Neteweyên Yekbû jî biryara pêşnûmeya ku bi beşdariya 193 welatên endam Desteya Giştî ya Neteweyên Yekbûyî îro bi mijara Ukraynayê bi awayek awarte bicive erê kir.
