Dêrsim de endamanê Meclîsê Cinîyan ê HDPyî bi wesîleya menga Muharremî Meydanê Seyîd Rizayî de aşûre vila kerd
Endamanê Meclîsê Cinîyan ê Partîya Demokrtatîke ya Şaran (HDP) yê Dêrsimî bi wesîleya menga Muharremî Meydanê Seyîd Rizayî de aşûre vila kerd. Xeylî sîyasetmedar û hemwelatijî tewrê ci bîyî.
Parlamenterê HDPyî yê Stenbolî Alî Kenanoglûyo ke aktîvîte de qisey kerd wina va: “Çîyo ke Kerbela kerdo Kerbela xoverdayîşê vera zulmî yo. Kerbela de di nameyî bîyî sembol. Hz. Huseyîn û Yezîd. Cayo ke Yezîdî estê vera înan Huseyînî zî vejîyenê. Ma zî hewl danê ke tewirê Huseyînî ramojnê.”
Kenanoglûyî vist vîrî ke serrgêra derbeya 12ê Êlule ya û va: “Înan ke na derbe kerde ê zî Yezîd ê û yê ke vera înan xover danê Huseyîn ê. Nika yewna derba esta û vera derbeyan û zulman xoverdayîşê ma do dewam bikero.”
Dimayê qiseykerdişan bi dûayanê Ana Menşûre Dogane loqmeyê aşûreyî ameyî parekerdene. DÊRSIM
