Endamê biçekin yê SMOyî operasyonê Tikrîya yê vera vakur û rojhelatê Sûrîye de qezayanê Kanîya Xezalan û Serêkanîyê de dest bi cirîd eştişî kerdî
Hêrişê Tirkîya û komê girêdayeyê aye yê bi nameyê ‘Artêşa Millî ya Sûrîye (SMO) – OSO)’ yê vera vakur û rojhelatê Sûrîye ke 9 Teşrîna Verêne de dabî destpêkerdene vera mutabakatê adirbirnayîşî yê ke mabenê Tirkîya, DYA û Rûsya de ameybî îlankerdene dewam keno. Hêzê Sûrîyeya Demokratîke (HSD) zî seba pawitişî mîyanê xoverdayîşî de yo. Tirkîya hema zî şertanê adirbirnayîşî pê nêarda û hêrişê xo yê dewanê girêdayeyê Eyn Îsa û Serêkanîyê domnena.
Hêrişê komê selefî ke binê nameyê ‘Artêşa Millî ya Sûrîye (SMO) – OSO)’ de kom bîyî û Hêzê Çekdarî yê Tirkî (TSK) de sivîl yenî qetilkerdene. Rayîrberîya Xosere ya Vakur û Rojhelatê Sûrîye rewşe vera vizêr veng daye hêzanê mîyanneteweyîye. Seba ke hema cewab nêdîyayo vengî ca bi ca hêrişî dewam kenî û endamê SMOyî yê serê xetî bi wesayît û çekanê giranan yê destê xo de merkez û çolteranê qezayanê Kanîya Xezalan û Serêkanîyê yê Riha de cirîd erzenî.
Hemwelatijê ke wirdî qezayan de cuyenî gêrayîşê endamanê SMOyî û çeteyanê bînan yê qeza ra aciz î. Nê çeteyî tesîsatê ke ca kerdî yê Telhamûtî de manenî.
Hemwelatijê ke badê şer merkezê Serêkanîyê û dewanê serê sînorî ra vejîyabî, badê îlankerdişê adirbirnayîşî reyna tepîya agêrayî. Labelê hemwelatijê ke tepîya agêrayî hemverê xo de endamanê SMOyî vînayî û kewtî mîyanê fikar û şikan. Hemwelatijî rewşe ra nêrazîbîyayîşî û raştê tehdîtanê polîsan yenî.
Tedbîrê asayîşî yê ke verê operasyonî qeza de ameybî girewtene asta tewr berz de yî. Wesayît û şoforî nuqtayanê kontrolî de yenî vindetene û yenî cigêrayîşkerdene. Rojnamegerî nêgirîyenî mekezê qeza. RIHA
