Grup Yorumî hesabê xo yê Twîtterî ser ra mesajêk pare kerd û vat: ”Îbrahîm Gokçekî nêweşxane de gama ke tedawî dîyêne şehîd kewt! Sareyê şarê ma û heme merdimîye ke zerrîya safîye ra cayê ma de yê weş bo!”
5ê gulane de seba ke soz ame dayene ke do waştişê înan bêrê ca Gokçekî mabên dabi rojeyê mergî û Esenyurt de Neweşxaneyê Reyaf Stenbolî de gerîyabi binê tedawî. Seba ke bedenê Gokçekî de gonî nêmendîbî gonî ameye dayene û gerîya serwîsê ciewnîyayîşê giranî û amebi vatene ke do aşmêke nê sewîsî de bimano. Seba ke nefesê ey birîya bînşewe cîhazê nefesî pa girêdîyayî. Zerrîya Gokçekî saete 13.00î de vinderte. STENBOL
