Di saetên şevê de, li dijî avahiya Partiya Demokratîk a Gelan (HDP) ya Navçeya Bakirkoyê ya Stenbolê êrîş pêk hat. Di êrîşê de cam û deriyê avahiya navçeyê hatin şikandin. Kesê bi navê S.A. derbarê êrîşê de hat binçavkirin. Polîsan S.A. birin Midûriyeta Polîsan a Kartaltepe û li bendê ye îro sewqî dozger bê kirin.
S.A. di îfadeya xwe ya li Midûriyeta Polîsan da de wiha got: “Ez destekê nadim HDP’ê. Min xwest bibim endamê AKP’ê. Lê endamtiya min nehat qebûlkirin. Dema ku çavê min avahiya HDP’ê ket, min kevir ji erdê girt û avê camên avahiyê. Cam şikestin. Polîs hat. Tiştên derbarê bûyerê de bêjim ev in.”
Derbarê mijarê de dê daxuyanî bê dayîn
HDP’a Stenbolê derbarê mijarê de daxuyaniyek nivîskî weşand û wiha got: “Kesekê faşîst duh saet 04.00 şevê êrîşî avahiya me ya li Bakirkoyê kir. Bi taybetî di demên dawî de partiya me tê hedef nîşandan û teşwîqî êrîşan tê kirin. Di encamê de partiya me rastî êrîşan hatiye. Derbarê vê êrîşa bêhiş de, em hemû hêzên demokrasiyê û rayedarên dewletê vedixwînin berpirsiyartiyê. Em ê derbarê vê êrîşê de îro di saet 14.00’an de li ber avahiya Bakirkoyê ya navçeyê, daxuyaniyê bibin çapemeniyê.” STENBOL
