Wekîlê HDPyî yê Çewlîgî Erdal Aydemîrî Meclîs de qisey kerd û pare kerd ke Çewlîg de bêkarî, xizanîye asta tewr berze de yê û hukmat rexne kerd.
Aydemîrî vist vîrî ke AKP 4 dewran ra nata Çewlîg îdare keno la rewşa şaristanî vera bena xirabêr. Aydemîrî vat: ”Çewlîg nika bêkarîye, xizanîye de rêza diyîne de yo.Esnafê Çewlîgî mirenê. Sebebê nê çîyan zî îqtîdarê AKPyî yo. Çewlîg de 114 mulkî aîdê Dîyanetî yê û esnafî nê cayan de pê kîra ronişenê. Esnafê şaristanî wazenê ke heta ke prosesê pandemî û krîzo ekonomîk biqedê Dîyanet wa înan ra kîra nêgêro. Esnafê ke cayanê şaredarîye de gure kenê heman çi wazenê.”
Aydemîrî Meclîs de fotografêk mojna ke tede cinîyêke çopî ra werd vejena û wena. Aydemîrî ard ziwan ke fotograf semtê Uydukentî yê Çewlîgî de ame girewtene.
Aydemîrî vat: ”Hukmat vano ke welat de xizanîye çin a. La no fotograf mojneno ke cinîyêka kokime çopî ra seba domananê xo werd arê dana. Şima Çewlîg vist na rewşe.” ANQARA
