Parlementerê HDPyî yê Çewlîgî Erdal Aydemîr û rêxistina qeza û bajarî pîya herêma Erdlerzê Kanîreşî zîyaret kerdî û tay cigêrişî kerdî.
Parlementer Aydemîrî hesabê xo yê medyaya komelkîye ser o da zanayene ke dewa Armelî de nêzdîyê 70 keyeyî xera bîyî û 4 kesî birîndar bîyî. Aydemîrî da zanayene ke xeylêk heywanî zî erdlerz de telef bîyî. Aydemîrî vat: ”Ma pê kêfweş ê ke erdlerz de dewa Armelî de zerar nêresa ganê çewî ser.”
Aydemîrî vat ma tim hîşyar kenê ke ganî vera tehluleyê erdlerzî tedbîrî bêrê girewtene ke şar mexdur mebo la tedbîrî nînê girewtene. ÇEWLÎG
