Li gorî daneyên dawî, HDP di hilbijartina rêveberiyên herêmî ya li navenda Erdîşê de bi ser ket. HDP’iyên ku daketin qadan, serkeftina xwe pîroz kir
Li navçeya Erdîş a Wanê li gorî encamên dawî, Partiya Demokratîk a Gelan (HDP) li dijî AKP’ê bi ferqeke 2 hezar û 917 dengan bi ser ket. Piştî ku encama hilbijartinê di saetên serê sibehê de teqez bû, gelê Erdîşê di saetên serê sibehê de daketin kolanan û dest bi pîrozbahiyê kir.
HDP’ê heta niha Şaredariya Bajarê Mezin a Wanê, Şaredariya Erdîşê û şaredariyên navçeyên Tuşba, Rêya Armûşê, Elbak, Serav, Qelqelî, Ebex, Artemêtan û Mûradiyeyê bi dest xistin. Hevşaredarên HDP’ê yên Erdîşê Yildiz Çetîn û Mahmût Pala, bi hezaran welatiyên ku li ser buroya hilbijartinê heta serê sibehê nobed girtin silav kir û serkeftin li wan pîroz kir. WAN
