Êrîşên dewleta tirk a dagirker ên li ser Bakur û Rojhilatê Sûriyeyê berfireh dibin. Li Kobanê bombe li nexweşxaneyeke din hat barandin.
Dewleta tirk a dagirker bombardûmaneke giran li gundê Siftekê yê li rojavayê Kobanê û gundê Qeremoxê yê li rojhilatê bajêr barand.
Li gundê Qeremoxê êrîş bi taybetî li ser navendeke tenduristiyê hat kirin. Li Kobanê di şeva 19’ê mijdarê de Nexweşxaneya Covîd bi bombardûmanê hatibû rûxandin.
Dewleta tirk a dagirker li gel êrîşên li ser Kobanê her wiha êrîşên li Tirbespiyê jî zêde kir. Balafireke bêmirov a bombebarkirî ya dagirkeran bombe li gundê Gir Dahol ê li başûr rojavayê Tirbespiyê barand.
Di dema êrîşê de bombe li qadeke petrolê ya El Ode jî hat barandin.
