Dewleta faşîst a tirk ji bo desfkrftiyên kurdan ji holê rakin her roj bi hevkariya xayinan Bakur, Başûr û Rojava bombebaran dike. Di encama êrîşên dewleta tirk ên li dijî Bakur û Rojhilatê Sûriyeyê de xesareke mezin derket holê. Di encama êrişên di navbera 4-11’ê cotmehê de 47 sivîl hatin qetilkirin û zêdetirî 59 kes jî birîndar bûn. Li gorî nûçeya ANHA’yê, Rêveberiya Sehaya Petrolê ya Rimêlanê têkildarî xesara ji ber êrîşan çêbûye raporek amade kir.
Di raporê de tê gotin ku zêdetirî yek milyar dolar xisara madî li herêmê çêbûye. Rêveberê Sehaya Petrolê ya Rimêlanê Ehmed Îbrahîm diyar kir ku hêzên navneteweyî û rêxistinên mafên mirovan di mijara êrişên li ser Bakur û Rojhilatê Sûriyeyê de durûtiyê dikin. Îbrahîm, da zanîn ku ji ber ekîpmanên ji bo rewşên lezgîn di depoyan de veşartibûn, di demekî kin de hinek qadên ji xizmetê careke din temîr kirine. Îbrahîm, got ku deverên din jî tên temîrkirin.
