Qiseykerdişê Besê Erzîncan ra tay noqtayê girîngî wina yê:
”Fermandara ma ya pîle embaze Zîlane 30ê hezîrana 1996î de Dêrsim de vera suîkastê serê Rayberîye çalakîya fedayîye kerdbî. Ez şexsê embaze Zîlane de pêro şehîdanê xeta xoverdayîşî ya cinîyan bi rêzî yad kena.
Hêzê YJA-Starî ewro temsîlkarîya xeta Zîlane ya fedayîye kenê. Reyna rojanê peyênan de wird embazê ma Zana û Xebat xeta Zîlane de şehîd bîyî. Înan bi xoverdayîş û têkoşînê xo ruhê Zîlane mojna. Embazê ma kenê ke xeta Zîlane vila bikerê. Ma sey cinîyan ê kurdan her ca de xîret bikerê ke cuya azade û demokratîke awan bikerê, xo rêxistin bikerê. Peynîya peyêne de ma do qetî ser bikewê.
28 mengî yo ma nêeşkenê Rayberîye ra xeberêke zî bigêrê. Rayber Apo 25 serrî yo vera tecrîdê Îmraliyî xo ver dano. Rayber Apo seba demokratîkbîyayîşê Tirkîya wayîrê rolêkê kilîdî yo. Kam vera tecrîdî qisey bikero beno hedefê dewleta tirke. Tewr peyên rojnamegerêk ney ra tepişîya. Dewleta tirke kena ke pê tecrîdkerdişê Rayberîye cinîyan, kurdan û hêzanê demokrasî û sosyalîzmî bêtesîr bikera û Tirkîya teslîmê faşîzmî bikera. Coka ma nê esasî ser o ganî reyna çalakîya embaze Zîlane biercnê û tira dersan bigêrê. Ganî ma bi ruhê fedayî vera faşîzmî têkoşîn bikerê.
Çalakîya embaze Zîlane zaf girîng a. Çunke tarîxê ma de reya verêne yew cinîye çalakîya fedayîye kerdbî. Embaze Zîlane perwera Rayberîye bîye coka bi qerardarî na çalakîya xo kerde. Embaze Zîlane zanayêne ke Rayber Apo seba azadîya cinîyan û şaran çend girîng o. Aye qestî ra çalakîya xo Dêrsim de kerde. Dewleta tirke Dêrsim de 1938 de qirkerdişêko pîl kerdbi. Embaze Zîlane waşt ke pê çalakîya xo Dêrsim tesîrê Terteleyê 1938î ra bixelisna, ruhê ci gandar bikera. Reyna embaze Zîlane bi çalakîya xo kongreya cinîyan a verêne ya 1995î selam kerde. Çalakîye aye gama verêne ya artêşbîyayîşê cinîyan a.
Ma sey têgêrayîşê azadîye yê cinîyan bi ruhê Zîlane şer kenê, xo ver danê û têkoşîn kenê. Ewro tewirê embaze Zîlane pêro waranê têgêrayîşê cinîyan de aseno. Ma bi şerê xo terzê aye yê Apogîrî pratîze kenê, anê ca. Xeta Zîlane şîfreyê şorişê cinîyan dana. Embaze Zîlane ma rê tim bena çimeyê îlhamî û a manfestoyê şorişê cinîyan a. Ganî ma xeta aye hîna hol fam bikerê û bîyarê ca. Ma do xeta azadîye ya Zîlane seserra 21. de pîlêr bikerê.
Tirkîya asta faşîzmî ancax bi xoverdayîş û xeta fedayîtîye yeno vindarnayene. Ewro Tirkîya de îqtîdarê AKP-MHPyî dişmenîya cinîyan, serdestîya camêrdan û hişmendîya kanwaze temsîl keno. No îqtîdar seba pêro dinya tehlukeyêko pîl o. La dinya pê bêvengîya xo nê tehlukeyî kena bihêzêr. No îqtîdar qestî ra hêrişê têgêrayîşê ma yê cinîyan keno. Çunke têgêrayîşê azadîye yê cinîyan verê nê îqtîdar de asteng o.
Embaze Zîlane ra nata têgêrayîşê ma, artêşa ma ya cinîyan, rêxistinîya ma bîyê pîlêr û aver şinê. Ma eşkenê sey cinîyan bi têkoşîn û xoverdayîşê xo nê îqtîdarê kanwazî û hêrişanê ci pûç bikerê. Ganî ma xo hîna zaf rêxistin bikerê û cewabê hêrişanê îqtîdarê AKP-MHPyî bidê. Ma ganî seu cinîyan ê kurdan Rojhelat, Vakur, Başûr, Rojawan, Şingal, Mexmûr û Ewropa de xeta Zîlane ya fedayîye de têkoşînê azadîye bikerê û faşîzmî bierzê çopê tarîxî.
Ez bi wesîleya serrgêra çalakîya embaze Zîlane venga pêro cinîyan, ciwanan, şarê ma û şaran dana ke xoverdayîşî pîlêr bikerê, vera nê faşîzmê kanwazî têkoşînê cuya azade bikerê. Esasê ‘Jin, Jiyan, Azadî’ de cinîyî bi serkêşîya xo qetî do cuya azade awan bikerê.” BEHDÎNAN
