Endamên eşîra Sûrçî ku li başûrê Kurdistanê yek ji eşîrên herî mezin e, daxwaz ji aliyê siyasî kirin ku yekitiya xwe pêk bînin û wiha gotin: “Em çiqas parçe bîn, dijmin zêdetir li ser me de tê.”
Kesayetî û endamên eşîra Sûrçî ku li başûrê Kurdistanê duyemîn eşîra mezin e têkildarî yekîtiya neteweyî ji Rojnews’ê re axivîn.
Yek ji kesayetên eşîrê Seîd Elî eşkere kir ku yekitiya kurdan girîng e û wiha got: “Girîng e ku li her çar parçeyên Kurdistanê yekgirtî bîn. Daxwazê ji partiyan jî dikin ku yekitiyê ji bo ximzetkirina kurd û Kurdistanê pêk bînin. Ji bo bikarin li hember dijmin derkevin divê yekgirtî bin. Bi yekgirtinê em ê bigihîn hemû armancên xwe.”
Seîd Elî eşkere kir ku hêvî û armanca wan ewe ku kurd yekgirtî bin û wiha domand: “Kurd yekgirtî bin başe, lê mixabin heta niha me yekgirtin nîne. Armanc û hêviya me ewe ku yekgirtî bin. Em çiqas yekgirtî bin di berjewendiyên gel û ximzeta kurd û Kurdistanê de ye.”
Mela Ezîz Kendal ê ji eşîra Sûrçî jî wiha got: “Yekgirtina kurdan hêviya hemû kurdan e. Em çiqas parçe parçe bîn, dijmin zêdetir li ser me de tê. Her kes li benda vê yekitiyê ye. Bi sedsale kurd di rewşek nearam de ye. Heta niha jî em negihiştine amranca xwe. Em li cihê xwe mane. Bila em hemû yekdeng û yekdest bîn.”
Endamê eşîra Sûrçî, Şêx Mihemed Ezîz diyar kir ku li her çar parçeyên Kurdistanê gelek pêwîsitya kurdan bi yekitiyê heye û wiha axivî: “Divê eşîret û kesayetî ji bo yekîtiya neteweyî rol bigirin. Daxwaza me ji aliyê siyasî ewe ku yekgirtî bin.” SILÊMANÎ
