Deweka Gulbîşî ya dewa Akyolî ya Kerboranê Mêrdînî de şîkeftêke de xeylêk esteyê merdiman ameyî dîyene. Yeno texmînkerdene ke beno ke nê esteyê ke ameyî vînayene aîdê kesanê ke serranê 90an de hetê JÎTEMî ra ameyî remnayene û qetilkerdene bibî.
Este erşawîyayî Stenbol
Badê vînayîşê esteyan merdimê kesê ke serranê 90an de hetê JÎTEMî ra ameyî remnayene û qetilkerdene, muracatê dozgerîya Kerboranî kerdî. Muracat ra dima leşker û avukatê Şûbeyê Mêrdînî yê Komerleya Heqê Merdiman (ÎHD) ewro şîyî şikefto ke tede este ameyî vînayene. Esteyê ke ameyî arêdayene erşawîyayî Dezgeyê Tibê Edlî (ATK) yê Stenbolî.
Avukatan muracatê dozgerîye kerdî
Avukatanê doza JÎTEMî yê Kerboranî ra Erdal Kuzuyo ke seba cigêrayîşkerdişê esteyan muracat kerd, da zanayene ke esteyî erşawîyayî Stenbolî û va: “Ma seba vînayîşê DNAyê kesê ke serranê 90an de cuya xo vindî kerdî, muracatê dozgerîya Kerboranî kerd.” MÊRDÎN
