Eşkerayîya nuştekîye ya Yewîya Hêzê Demokratîkî yê Ewropa (ADGB) û Platformê Sazgehanê Kurdistanî yê Ewropa de ame vatene de Rojawan û Vakur û Tirkîya de 6 erdlerzê girdî yê 6ê sibate virazîyayî û domna: “Ma bi des hezaran însanê xo vindî kerdî û bi se hezaran însanê ma zî birîndar ê. Zafîya kesê xelisyayeyî zî serdan ver teber de yê. Hema zî binê xirban de însanê ma est ê.”
Vengayîşê beşdarbîyayîşê mîtîngî ame kerdene
Dewamê eşkerayîye de nê çîyî ameyî vatene: “25ê sibate roja şemeyî de, heme welatanê Ewropa de mîtîng û rayraşîyayîşî bêrê kerdene. Warê ke seba serweşîye 25ê sibate de nêeşkîyê bêrê birêxistinkerdene, do 4ê adare roja şemeyî de çalakîyanê xo bivirazê. Rayraşîyayîşê ke do bibê; merkezê ci Îngilîstan de, Swêd, Norwêc, Fînlandîya, Danîmarka, Hollanda, Swîsre, Avusturya, Belçîka, Kanada, Yunanîstan, Awustralya û Qibris. Fransa de; çar merkezan de, Marsîlya, Parîs, Nordamdiya û Strasburg. Almanya de; Hamburg, Hannover, Berlîn, Dusseldorf, Frankfurt û Stuttgartî de. Ma sey ADGB û Platformê Sazgehanê Kurdîstanî yê Ewropa; ma venga heme demokrat, şorişger, şaro ke hetê merdimîye de yo û sere de heme şarê xo yê kurdîstanij û tirkîyayijan danê ke wa beşdarê çalakîyanê ma bibê. Roje a roj a ke ma nefretê xo bikerê zanistîye û ma hêrsê xo bikerê hêzê rêxistinkerdeyî.”
